Apre Chanm Reprezantan Etazini an te pase Lwa Rèv ak Pwomès Ameriken an (American Dream & Promise Act), moun ki gen TPS yo te lanse yon grèv grangou istorik.
Pou plis enfòmasyon sou grèv grangou a
Washington DC– Jodi a Chanm Reprezantan Etazini an te vote Lwa Rèv ak Pwomès Ameriken an (American Dream & Promise Act) avèk sipò toulede pati yo pou yon dezyèm fwa. Pwopozisyon lejislatif sa a ta bay yon chemen pou sitwayènte ameriken pou apeprè 4.4 milyon imigran san papye k ap viv Ozetazini, tankou Dreamers, moun ki resevwa Aksyon Difere pou Arive nan Anfans (DACA) , moun ki gen Pwoteksyon Tanporè (TPS), ak moun ki resevwa Depa Fòse Difere (DED) . Momantòm sa a vin pi fò ak lansman yon grèv grangou istorik nasyonal kote moun ki gen TPS yo ak fanmi yo mande rezidans pèmanan ak jistis retabli pou revokasyon enjis pwoteksyon TPS nou te wè nan kat dènye ane yo.
An repons a nouvèl istorik sa a jodi a pou kominote TPS la, manm Alyans Nasyonal TPS yo te fè deklarasyon sa yo :
“Enklizyon fanmi nou yo se rezilta dirèk lit moun ki gen TPS yo ki, pandan kat dènye ane yo, te mete presyon konstan sou moun ki nan pouvwa yo pou yo mande jistis. Kounye a, nou espere Sena a pran aksyon imedya pou transfòme lwa enpòtan sa a an lwa. Epi antretan, nou pral kontinye pouse tout mekanis lejislatif ki ta garanti rezidans pèmanan nou an ki te tann depi lontan an.” – Melissa, Moun ki gen TPS ki soti Ayiti
“Pandan n ap egzije pou Kongrè a aji sou yon konsansis nasyonal lè li mete yon rezidans pèmanan pou moun ki gen TPS nan tout pakè lejislatif yo. Nou kontinye mande Prezidan Biden tou pou l retabli pwogram TPS la nèt epi pou l itilize lwa TPS la pou l ka benefisye pi gwo kantite imigran k ap viv epi k ap travay Ozetazini pandan moman ijans sa a” – Mardoel Hernandez, Moun ki gen TPS ki soti Ondiras
“Nou fè yon sèl pa anplis pou nou rive nan objektif nou pou nou gen rezidans pèmanan. Pandan jodi a n ap pran yon ti moman pou selebre lanmò HR 6 la, batay nou an ap kontinye jiskaske nou rive jwenn yon chemen pou nou vin sitwayen. Se poutèt sa, antanke pitit yon moun ki gen TPS, mwen pral nan Washington DC pou m patisipe nan grèv grangou 43 jou a, pou m voye yon mesaj klè ak solid bay Mezon Blanch lan ak Kongrè a ke lavi nou pa tanporè! N ap mande yon rezidans pèmanan ak jistis KOUNYE A.” – Rebecca Vasquez, pitit fi moun ki gen TPS ki soti El Salvador.
###
Alyans Nasyonal TPS la se yon òganizasyon lokal ki gen plis pase 50 komite nan tout peyi a, k ap defann rezidans pèmanan moun ki benefisye Estati Pwoteksyon Tanporè ki soti nan peyi tankou El Salvador, Ondiras, Ayiti, Nikaragwa, Nepal, Siri, Soudan, Sid Soudan, Somali, Gine, Syera Leyòn ak Yemèn.