Viktwa Detantè TPS la Bay Pwoteksyon Anplis pou Yon Ane pou Detantè TPS ki Soti nan Sis Peyi.
Anba pwosè Ramos kont Nielsen ak Bhattarai kont Nielsen yo, Detantè TPS yo te genyen yon pwolonjman otomatik pou yon ane, annatandan yon desizyon nan men Tribinal 9yèm Awondisman an.
Los Angeles, Kalifòni Vandredi, DHS te "pibliye davans" pwochen Avi Rejis Federal la ki pral soti ofisyèlman lendi. Avi Rejis Federal sa a bay yon pwolonjman otomatik yon ane pou estati legal ak otorizasyon travay pou moun ki gen TPS ki soti Ayiti, Ondiras, El Salvador, Nepal, Nikaragwa ak Soudan. Li garanti tou ke moun ki gen TPS ki soti Ayiti, Ondiras, Nepal, Nikaragwa ak Soudan ap kenbe estati yo pandan sis mwa nan ka ta gen yon desizyon final ki anile enjonksyon Ramos la; pandan ke moun ki gen TPS ki soti El Salvador yo ta garanti yon ane.
Moun ki gen TPS yo ak pitit yo te kanpe avèk kouraj kont desizyon administrasyon Trump la pou mete fen nan Estati Pwoteksyon Tanporè a sou baz rasis. Pwolonjman sa a pral bay moun ki gen TPS yo ak TPS Alliance plis tan pou yo kontinye efò yo pou asire yon solisyon pèmanan pou tout moun ki benefisye TPS yo.
TPS Alliance te pataje deklarasyon sa yo:
Jose Palma, Kowòdonatè Nasyonal avèk TPS Alliance la:
"Sa pwouve ke lè kominote nou an reyini pou goumen pou jistis, nou genyen. Pwosè kont revoke rasis Trump la kontinye ap yon bouée de sauvetage pou moun ki gen TPS k ap goumen pou yon solisyon pèmanan."
Jessica Bansal, Avoka Prensipal nan ACLU Sid Kalifòni ak avoka pou demandè nan ka Ramos ak Bhattarai , te di,
"Jan tribinal la egzije sa, yo pral kontinye anonse ekstansyon otomatik estati legal ak otorizasyon travay pou moun ki gen TPS ki soti El Salvador, Ayiti, Ondiras, Nepal, Nikaragwa ak Soudan nan entèval regilye omwen jiskaske gen yon desizyon final nan apèl Ramos la. Men, ekstansyon tanporè sa yo pa bay moun ki gen TPS pwoteksyon pèmanan yo merite a. Se sèlman Kongrè a ki ka fè sa. Se poutèt sa òganizasyon ak defans kontinyèl pa moun ki gen TPS ak alye yo esansyèl."
Pou plis enfòmasyon: Klike la a
Enfòmasyon sou Revokasyon TPS yo
###