Jodi a, Prezidan Salvadoryen Bukele fè yon anons ki pa konfime ke yo pral akòde yon pwolongasyon yon ane pou TPS pou El Salvador kòm yon akò negosye ak gouvènman ameriken an. Bukele sèlman mansyone yon pwolongasyon pou moun ki gen TPS nan Salvador epi li pa di anyen sou moun ki gen TPS ki soti nan senk lòt peyi yo ki aktyèlman ap pouswiv gouvènman federal la an jistis (Ramos kont Nielsen).

Madi, Chanm Reprezantan an te vote pou adopte HR-6, Lwa Dream & Promise la, ki ta pèmèt moun ki gen TPS, moun ki resevwa DACA ak moun ki gen DED yon chemen pou yo rive nan rezidans pèmanan ak sitwayènte. Pwojè lwa a te pase san lòt amandman nan Chanm Reprezantan an, ki te gen ladan tou 7 Repibliken ki te vote an favè e ki reprezante premye fwa yon lejislasyon ki asire estati pèmanan moun ki gen TPS yo apwouve. Kounye a, pwojè lwa a dwe pase nan Sena a epi Prezidan an dwe siyen l anvan li vin yon lwa. Moun ki gen TPS yo kontinye ap fè fas ak menas deportasyon akòz pwoteksyon TPS yo ki fini, men kanmenm, yo angaje yo pou kontinye batay pou rezidans pèmanan pou tout moun.

Mèkredi 22 me a, Komite Jidisyè Chanm Reprezantan an te apwouve Lwa Dream & Promise la, e kounye a Kongrè a pral vote sou li. Pwojè lwa HR 2820 ak HR 2821 yo te diskite sou TPS, DED ak DACA nan yon deba ki te dire lontan.

Pandan Komite Jidisyè Chanm Reprezantan an ap kontinye amelyore lejislasyon TPS/DED/DREAM nan, Alyans Nasyonal TPS la reyafime angajman san fay li pou asire yon solisyon solid ak pèmanan pou tout fanmi ak travayè k ap viv kounye a nan yon eta ensètitid.

Nan Jounen Taks la, fanmi migran TPS/DED atravè Etazini ap pibliye kontribisyon taks yo pou mete aksan sou $4.6 milya dola taks kominote TPS/DED yo peye nan tout peyi a epi pou mande yon solisyon bipartizan ki asire diyite yo ak estati pèmanan yo Ozetazini.  

Jodi a, pati yo nan ka Bhattarai kont Nielsen, yon ka ki konteste revokasyon estati pwoteksyon tanporè (TPS) pou moun ki soti Nepal ak Ondiras, mande tribinal la pou l pase yon lòd pou sispann tanporèman revokasyon TPS pou moun ki soti nan peyi sa yo.